Shillong, Jymmang 18
U wei u Samla ba la tip kyrteng u T.H Umbah mynha ka sngi Saitjaiñ, ka 16 tarik u Jymmang 2026, u la shah tuh ha ki riewsniew kiba la bat jubor ïa u, kaba la jia ha Ïewduh, Shillong.
Une u Samla u la ïathuh ba ki don haduh saw ngut ki riew sniew kiba la bat jubor ïa u bad ki la tuh ïa ka phone bad ka pisa kaba kot T.15,000 hajar ei-ei.
Une u Samla u la ïathuh, kaba sngew sih shuh-shuh ka long, ba u sngew bynnud ba ki jingdonkam ki don ha poh jong ka mobile phone. Kumta u la kyrpad lada don ba thied phone rim ne phone tuh, ba kin ïathuh bad pyntip.
Ka kyrteng jong ka phone kaba la shah tuh dei ka POCO M6 5G, kaba don 2 tylli ki camera.
Une u Samla u dei uba shong basah ha Mawhati.
Shuh shuh u la ong ba ha ka sngi Saitjaiñ, u la leit ban thied jingthied bad ki paralok ha Ïewduh bad hadien ba ki la thmu ban leit sha stand Mylliem, ki la don ki briew 4 ngut kiba la ktah kti bad bat jubor ban tuh ïa ka phone ryngkat ka pisa.
“Nga sahnud namar hapoh ka phone la don lut ki jingdonkam jong nga. Nga kwah ba ki briew kin pyntip ba ïoh lehse ki don kiba thied ïa ka phone rim bad ka phone tuh, ba kin sngewbha ban pyntip ïa nga, ba ïoh kadei ka phone jong nga ba kyrteng POCO M6 5G,” la ong utei u Samla.
