Shillong, Jymmang 19
U Myntri Sorkar bad nongïalam ka National People’s Party-State Youth Wing, Bah Wailadmiki Shylla ha ka Sngi Ba-ar u la ong ba ka NPP kan sa sei la u jong u kyrtong na ka bynta ka ilekshon ban wan sha ka Rajya Sabha.
U la bynrap ba ïa kane ka rai yn sa shim hadien ka jingïalang jong ka seng kaba la pynbeit ban long ha ka taïew ban wan.
Haba jubab ïa ki jingkylli halor ka jingjied jong ka seng ïa u briew na bynta ka shuki MP Rajya Sabha, u Bah Wailad u la ong ba haduh mynta ym pat don kano-kano ka jingïalang.
“Kumba ka long mynta, ngam pat lah ban ong namar ym pat khot jingïalang haduh mynta,” u la ong.
“Nga tharai ha ka taïew ban wan, ngin sa don ka jingïalang. Ha katei ka por, kan sa shai lut baroh,” u la ong.
U Bah Wailad u la pynpaw shai ba u nongmihkhmat un dei hi na ka seng.
“Un dei na ka NPP,” u la ong.
