Shillong, Jymmang 21
U MLA barim Bah Process T Sawkmie u la kyntu jur ïa ka Seng Khasi Mawlai bad Sengkmie ba kin ym ailad ban don kiba pyntlot bor ïa ki riti dustur jong ka jaidbynriew hynñiewtrep.
U Bah Sawkmie u la pynpaw ïa kane ha ka sngi ba u la noh synñiang sha ka Seng Khasi Mawlai ha ka jingdon ryngkat u President Seng Khasi Mawlai Bah Dipshon Lyngdoh Nongbri, General Secretary Bah Phira Warnongbri, ka President Seng Longkmie Seng Khasi Mawlai, Kong F Kharsahnoh bad kiwei ki longkmie.
U la ong ruh, haba dang khlain ka Seng Khasi ka jingkyrmen jong ka jaidbynriew ruh ka dang don.
Ha kane ka sngi la ïoh ruh ïa ka jingkren na u Bah Phira bad na u Bah Dip, kiba la ai khublei bad pynpaw ïa ka jingsngewnguh na ka bynta kane ka jingnoh synñiang ka jong u.
Ha kaba u Bah Dip u la pynpaw ruh ba u sngewsah khunswet, sngew tmang, kumba ka long ka Mawlai Konstitwensi mynta haba ïadei bad ka synshar khadar, hynrei ha ka por long nongmihkhmat u Bah PT Sawkmie, ki shngaiñ bad palei ka mynsiem.
