Shillong, Jymmang 25
Da ka jingthmu ban pynkhlaiñ ïa ka jingai jingshakri ïa ki paidbah nongpyndonkam, ka Bank of Baroda ka la plie paidbah ïa ka tnad ‘Phygital Branch’ ha nongbah Shillong ha ka lah sngi u Blei. Kane ka pyni ïa u mawjam ka jingïaid shakhmat jong ka Bank of Baroda sha ka juk ‘digital’.
Ïa kane ka tnad la plie paidbah da u Lal Singh, Executive Director ka Bank of Baroda ha ka jingdonlang u Dr. B.D.R Tiwari, (IAS) Commissioner & Secretary, Government of Meghalaya, Shiba Pada Nayak, General Manager & Zonal Head-North Eastern States Zone; C. M. Tripathy, General Manager-HRM; R. K. Goel, General Manager-MSME Banking; Punit Mishra, AGM & In-charge-Rajbhasha & Parliamentary Committee; Diwakar Jha, Regional Head-Guwahati; bad ka Kong Lakyntiew Riti, Branch Head-Shillong bad la pynïaid ïa ka jingïalang da u Shiba Pada Nayak, General Manager & Zonal Head-North Eastern States Zone.
Haba kren ha kane sngi, u Lal Singh, Executive Director (BoB), u la ong, “Ha Bank of Baroda, ngi shimkhia ban pynïaid ïa ka jingkylla ha ka ‘digital’ katba ngi dang pynneh pynsah ïa ka jingïadei shimet kaba skhem bad ki nongthied jong ngi. Ka jingpynïasoh ïa ka jingpynlah ‘digital’ bad ka jingïarap ba la pynbeit kyrpang katkum ka jingkwah jong ki nongthied, Ka tnad ‘phygital’ jong ngi ka ïarap ïa ngi ban pynbha ïa ka jingshakri ïa ki nongthied, ka jingsuk bad ka jingïadei kaba pyni ïa ka rukom treikam jong ka bank ha ka lawei kaba pynïasoh lang ïa ka teknoloji bad ka jingïarap jong u briew.
