Shillong, Risaw 25
Ka National People’s Party (NPP) ka la pynkhreh ban pdiang burom ïa ki lai ngut ki MLA ka UDP kiba dang shu pynïasoh shen bad ka.
Kine ki lai ngut ki MLA ka UDP ki long u Bah Paul Lyngdoh na West Shillong Constituency, Bah Renikton Lyngdoh Tongkhar na Mawkyrwat Constituency bad u Bah Nujorki Sungoh na Mowkaiaw Constituency.
Ïa kine ki lai ngut ki MLA ka UDP u Lamphang ka ïingdorbar thawaiñ u Thomas A Sangma u la ai jingithuh ïa ki haba ki la mih na UDP ban leit pynïasoh noh sha ka NPP.
Na ka liang ka NPP ruh mynta ka la pynkhreh shait shait ban pdiang burom ïa kine ki lai ngut ba kin wan pynïasoh pura ryngkat ki nongkitkam bad nongkyrshan.
Da ka jingwan pynïasoh pura ki lai ngut ki MLA UDP, ka NPP mynta ka la poi sha ka 36 ngut ki MLA ha ïingdorbar thawaiñ ban pynskhem shuh shuh ïa ka Sorkar MDA-2 ha ka jingïalam jong u Conrad K Sangma kum u Myntri Rangbah ka jylla.
Kumban shu pynkynmaw, ki 8 ngut ki MLA ka UDP ki la dep mih ban leit pynïasoh pura sha ka BJP bad mynta ka UDP ka sah satang uwei u MLA kata u Bah Metbah Lyngdoh uba dei ruh u President ka UDP.
