Shillong, Risaw 25
U MLA ka Mawsynram Konstitwensi, u Bah Olan Sing Suin u la ong, “Nga shngaiñ bha ha ka jingïaid lynti namar ha ka Jylla jong ngi hi, ka shong beit ha u kyrtong ban jop ym eh ha ka seng saiñpyrthei”.
ïa kane u Bah Olan Sing Suin, u la pynpaw haba kylli, la ka don ne-em ka jingkyrmen ba un jop biang ha ka ilekshon MLA ha u snem 2028, namar u la pynïasoh noh ïalade bad ka BJP hadien ba u la jop na ka UDP na Mawsynram Konstitwensi ha u snem 2023.
Haba kren bad u Nongsaiñ Hima u Bah Olan u la ong, ba ka shongbeit ha u MLA, lada u MLA u la leh bha kamut ki paidbah ruh ki ai ka jingshaniah kaba pura.
“Nga kyrmen kumba long mynta, bad nga sngewtynnad bha ïa ka jingïaid lynti, ha kaba ki paidbah ruh ki dangai pura ïa ka jingkyrshan ha ka jingïaid lynti jong ngi,” la bynrap u Bah Olan Sing Suin.
