Shillong, Jymmang 27
Katba ki jingïaleh thma ha kylleng ka pyrthei ki nangjur lyngba ka jingpyndonkam da ki ‘Drone’, ka Zen Techno-logies, kaba long ka nongïalam ha ki tiar anti-drone kaba thymmai, ka la pyni paidbah ïa ki tiar Drone ba pynmih ha India kaba ai kyrteng AI-Powered Fully Integrated Anti-Drone System ha ka Multilateral Joint Exercise Pragati-I 2026 hapdeng ka India bad 15 tylli ki Friendly Foreign Countries (FFCs) ha Foreign Training Node, Umroi.
Ïa kane ka buit (System) la shna bad la pynwandur pura hapoh ka Ri India, kaba pyni ïa ka jingïaid shaphrang jong ka India ha ka liang ka jingïada-ri bad ka jinglong trai halor ki kor ki buit stad kiba kongsan ha ka jingïaleh thma.
Ki jingïaleh thma kiba dangshen ki la pyni ba ki “Low-cost FPV drone” bad ki “Coordinated Swarm Attack” ki la kylla long ki bor ba khlaiñ kiba lah ban tam ïa ki “Air Defence System”. Ka Zen Technologies ka la thaw kyrpang ban ïakhun pyrshah ïa kine ki jingma lyngba ka AI-driven Anti-drone solution ba thymmai.
Kane ka tiar ka lah ban treikam ha ka jingjngai ba palat 15 km (detection range) bad ka lah ban buddien lang haduh 100 tylli tam ki Drone ha kajuh ka por na ka bynta ka “Effective Swarm Engagement”. Ka don ruh ka “Layered Neutralization Architecture” RF Jamming, GNSS Jamming/Spoofing, RCWS (12.7/7.62 mm) integration, Air Defence Guns bad Kamikaze Interceptors.
La ong ruh ba ka don ka “Indigenous Radar” kaba khlaiñ kaba lah ban treikam haduh 20 km bad kaba lah ban lap kloi ïa ki Drone kiba rit bad Low-RCS Drones.
Hapdeng jong kane ka buit stad, ka don ka Intelligent Data Fusion & Command Centre, kaba pynïasoh ïa ki jingtip na bun jait ki Sensor bad pyndonkam ïa ki ‘Advanced Algorithm’ ban ithuh bad buddien ïa ki jingma da kaba tikna. La pynïasoh ruh bad ki Tactical Vehicle bad Mobile Platform ban ai jingïada ïa ki Convoy bad Mobile Area Defence ha ki jaka thma.
Ka tiar ka long kaba sting ban pyndonkam, kaba skhem bad kaba lah ban rah da ki shipai ha ka por ba pahara (patrol) bad ha ki jingtreikam ban ïaleh pyrshah ïa ki riewsniew. Ïa kane ka tiar la pynbynta ban ïada ïa ki jaka ba kham donkam (critical infrastructure), Military base bad ki High-value asset ha ki jaka Military bad Civilian da ka jingïada kaba neh 24 kynta.
