Shillong, Jymmang 29
Ha ka 29 tarik u Jymmang 2026, ha ryngkat u slap, ka la wan ka ‘er langthari kynsan-kynsan kaba jur bha, kaba la paswut ïa ki ïingbriew ha ki thaiñ Sohïong bad kiba marjan ruh kumjuh.
Kane ka jingjia kadei ha ka por kumba 11 baje eiei mynstep.
Katkum ka durkhih ba la ringdur da ki paidbah, la ïohi ba ka ‘er langthari, ka la kynting sha suiñ ïa ki tin sop-ïing, ki plastik bad kiwei-kiwei de ki tiar.
La ïohi ruh ba ka bor ka ‘er langthari kaba la ishyrkhei haduh katta-katta, bad ki la don ki jingpyntip ba sngew donbok, ba ym don pat ki jingjia ba sngewsih ne jingmynsaw briew ïa ki nongshong shnong, lyngba katei ka jingjia. Ym tang katta, hynrei la ïohi ruh ba ki ïingbriew, kiba la sop da ki tin kiba don ha kitei ki jaka, ki la shah pynjulor lut ha ka ‘er langthari.
