Shillong, Jymmang 31
Ka Khasi Students’ Union (KSU) Tyrso Unit myn ha ka sngi Saitjaiñ, ka 30 tarik u Jymmang 2026, hadien ba ïoh ki jingujor na ki paidbah halor ka jingjia tyngkhuh kali, kaba ïai jia man ka por ha ki thaiñ Tyrso, ka la mih shakhmat ban maham tyngeh ïa kito ki briew ban pynher sted ïa ki kali jong ki.
Ha ka kyrwoh ba la phah, na ka liang u Samla Playerfull Mashli, President KSU Tyrso unit u la kyrpad ïa ki nongñiah kali, ba kin niah suki naduh mynta sha khmat.
U la maham ïa ki nongñiah (driver) kali kiba kamai ha ki thaiñ Tyrso ne kiba wan sha ki thaiñ Tyrso, ba kim dei ban niah sted palat ïa ki kali khamtam ha ka por ki khynnah skul ki dang wan skul bad ha ka por ba wai skul bad kidei ruh ban niah ïa ka speed limit 30 hapoh.
“Lada lap ba dang don kiba leh pyrshah, ka seng kan leh da kaba tyngeh bad pynshitom wat ban ai sha ki bor jong ka aiñ. Ka seng ka kyrpad ruh ïa ki padtbah, ba lada ki lap ba ki nongñiah kali ki pynher sted, dei ban pyntip sha ka seng,” la bynrap u Samla Playerfull ha ka kyrwoh ba la phah.
Kyumta u la kyrpad ruh ïa ki nong niah kali, ba kin ai ka jingïatrei lang, khnang ban wanrah ka jingsuk hapoh shnong Tyrso area hi baroh kawei.
