Khliehriat, Jylliew 01
Ka ïingkashari Special Judge POCSO, East Jaiñtia Hills District jong ka Kong B. Khriam ha ka 6 tarik Jymmang ka la rai pynrem ïa u Rephius Thamar da kaba hukum ban set phatok 15 snem hapoh ka kyndon jong ka POCSO Act namar ka jingdonkti ha ka kam leh be-ijot. Kane ka case ka dei kaba la register hapoh Khliehriat Women Police Station hapoh ka kyndon 3(a)/4 jong ka POCSO Act 2012 ha kaba ïa ka jingtohkit la pynlong da ka WP SI. S. Kharsati.
U Rephius Thamar uba la shah kynnoh donkti u la shah kem noh bad la charge-sheet pyrshah ïa u ha ka 18.08.2020 da ka ophisar kaba pynlong ïa ka jingtohkit.
Hadien ka jingtian bishar, ka ïingkashari Special Judge (POCSO), EJH ka la shem ba u Rephius Thamar u la leh ïa kane ka kam bymman ha kaba la pynngat ïa u hapoh ka kyndon 3(a)/4 jong ka POCSO Act, 2012, bad rai pynrem da kaba rai set phatok 15 snem ha ryngkat ka kuna kaba T.50,000 (sanphew hajar).
