Shillong, Jylliew 01
Uwei u rangbah hadien ba u la shah dawa ba u dei ban siew pisa manla u bnai bad haba la shah pynbor palat, u la hap ban siew bad aiti ïa ka pisa T.10 hajar sha ki runar.
Katkum ka khubor kaba la ïoh na ki pulit la ong ba u Arjun Rishi u la ai ka jingujor ba ha ka 28 tarik Jymmang, 2026 ha ka por kumba 7.30 janmiet, ki runar bym lah ban ithuh, ki la pynbiej bad pynbor ïa u ban rung hapoh kawei ka kali Maruti van ha Kabul Bazar, Tura ha West Garo Hills, bad ha kaba ki la rah ïa u sha kawei ka jaka bym ithuh satia.
La ong ba ynda la poi ha kane ka jaka, ki la dawa pisa na u ba u dei ban siew manla u bnai bad haba ki la pynbor palat, um banse ban aiti noh ha ki ïa ka pisa 10 hajar tyngka. Kham hadien kata hadien ba la ïoh ïa ka pisa, kata ha ka por kumba 8.45 mynmiet, kine ki runar bym lah ban ithuh, ki la pyllait noh ïa u ha Hawakhana, Tura ha West Garo Hills.
