Shillong, Jylliew 03
U Bah Process T Sawkmie, MLA barim u ong dei ban kyrshan ïa ka mat halor ka jingpynsngew da ka Seng Khasi, Seng Raij, Seng Khihlang bad ka Sengbah ki Nongshad Nongkheiñ ïa ka jingbym bud ka Khasi Hills Autonomous District Council (KHADC) ïa ka riti dustur ha kaba ïadei bad ka jingthung ïa ki Syiem kumba la leh naduh ki por mynbarim bajah.
“Kum ka jaidbynriew kaba rit paid ngi dei ban kyrshan ïa kine ki seng kiba im sngi im ïa ka ban peit ban khmih ïa ka riti dustur, kumjuh ïa ka ‘customary law’ bad haba la mushlia ïa ka riti dustur kaba ma ba ka synshar khadar ka la kulmar lut,” ong Bah Process.
Ïa kaba u la ong ruh, “Ka KHADC ka dei ban burom ïa ka jingsngewkhia jong ka Seng Khasi, Seng Raij, Seng Khihlang bad ka Sengbah ki Nongshad Nongkheiñ haba ïadei bad u Syiem Sohra bad Syiem Mylliem da kaba pdiang ïa ka rai ka hima Sohra bad thung Acting Syiem ha ka hima Mylliem da uba don ha ka niam tynrai.”
Ha kajuh ka por u Bah Process u la ai khublei kyrpang ïa kine ki seng kiba la mih shakhmat ban pynpaw ïa ka jingsngewkhia jong ki bad donbok ba dang don kum ma ki, ki ban ri kyndong ïa ki ‘Customary Law’ jong ka jaidbynriew.
