Shillong, Jylliew 04:
U Myntri ka tnad Kam Pohïing ka Ri u Amit Shah ha ka sngi Palei u la ong ba ka jingïap jong ki riew paidbah ha ka thaiñ Shatei Lam-Mihngi kala hiar da 86 per cent ha kine ki 12 snem tam, da kaba ong ba kane ka dei ka jingjop kaba phylla kaba la wanrah ïa ka jaka na ka bynta ka roi ka par bad ka jingkynshew kam. Haba ai jingkren ha ka jingïalang jong ka NEC ha Shillong, u Amit Shah u la pynïasoh ïa ka jingduna ki kam umsnam sha ka jinglah ban ïasoi ïa bun ki soskular ïasuk hapoh ka Sorkar u Modi. U Amit Shah u la ong, “Hapoh ka Sorkar u Modi, ka jingdon jong ki riew paidbah ba ïap ha thaiñ Shatei Lam-Mihngi kala hiar da 86 per cent ha kine ki 12 snem tam, kaba dei ka jingjop kaba khraw” bad bynrap ba palat 12 tylli ki soskular ïasuk kila wanrah ïa ka jinglong jingman kaba biang palat na ka bynta ka roi ka par jong ka Jylla. U la ban jur ba baroh ki Myntri Rangbah jong ki Jylla ka thaiñ Shatei Lam-Mihngi ki dei ban pynleit jingmut ha kaba pynsngewthuh ïa ki nongshong shnong ïa ki hok katkum ka riti synshar jong ki bad ban pynthikna ïa ka jingïada jong ki, namar ba la pynduh pyndam ïa ki kam lehnoh ha kane ka thaiñ. U Myntri tnad Kam Pohïing u la ong ba ka thaiñ Shatei LamMihngi ka dei ban sdang thymmai ha ka liang ka kam pulit kaba man ka sngi. Ka jingïada ïa ka hok jong kiba duk, ki kynthei, bad ki khynnah ka dei ban long ka jingthmu ba kongsan. “Pynthikna ïa ka jingbishar ba hok hapoh ka Nayaya Sanhita ba thymmai ban kyntiew ïa ka jingpyndonkam ïa ka teknoloji ha ka rukom bishar ïa ki kam runar, ban kyntiew ïa ka jingpynshitom ïa ki nongpynkheiñ ïa ka aiñ lyngba ka jingpyndonkam ïa ka forensic science, bad ban buh ïa ka rukom treikam kaba bniah kaba kynthup ïa ka jingujor online ïa ki mukotduma bad ka jingai sakhi online ha ki ïingbishar, khnang ba uwei pa uwei u nongshong shnong un ïoh ïa ka hok jong u. U la ban jur ban pynsted ïa ka jingai ïa ka jingbishar ba hok katkum ki aiñ ba thymmai bad ka jingpyndonkam ïa ka technology. Halor u drok, u ïathuh ba ka Sorkar Pdeng kala buh ïa ka thong ban pynduhjait. “Ka Sorkar India kala thaw ïa ka Special Action Plan ryngkat ka rukom treikam ka bym don jingisynei ban pynduhjait ïa ka jingkhaïi bad jingdih ïa u drok hapoh ka thaiñ Shatei Lam Mihngi,” u la ong
