Shillong, Jylliew 05
Ka Sorkar Jylla ha ka sngi Thohdieng jong ka taïew, ka la pynmih ïa ka jingpynbna paidbah haba ïadei bad ki kyndon ba thymmai, ban pyni ïa ki kyrteng ne ki ‘Name Board’ ha ki motor vehicle regulation 2026.
Ïa kane ka jingpynbna paidbah, la phah da u Secretary na ka tnad Transport ka Sorkar Jylla, u D. D. Sangma.
Ha ka jingpynbna, ka Sorkar ka la bthah ba ym shah ïa kano-kano ka kali ban pyndonkam ïa ki kyrteng ne ki ‘Name Board’ khlem ka jingbit na ka tnad Transport.
Hynrei yn shah tang ïa ki kali kiba ka tnad Transport ka ai jingbit, ba kynthup ‘u Lat ka Jylla Meghalaya, Lok Bhavan, Myntri Rangbah, Symbud Myntri Rangbah, ki Myntri Sorkar, Chief Justice High Court of Meghalaya, Judges bad Registrars ka High Court, District & Session Jugdes, Chief Judicial Magistrates, Special Courts, Speaker, Deputy Speaker, Member of Parliament, Member of Legislative Assembly, Chief Excecutive Member, Deputy Chief EM, Chairman, Deputy Chairman ki ADC, Chief Secretary, Additional CS, Director General of Police, Principal Chief Conservator of forest & head of forest Force, Deputy Commissioner/SP, Additional DC, Add SP, Deputy SP bad kiwei-kiwei de.
La bthah ba ym donkam ban tah ïa ki ïit ïong, buh ïa ki siren, bad kiwei-kiwei de, la maham ruh ïa kino-kino kiba pynkheiñ ïa kine ki aiñ ba la kdew.
