Shillong, Jylliew 05
Katba dangmih ki sngi, ka jingjyllei jong ki nongdih drok ha Nongbah Shillong, mynta ka la shyrkhei ba wat ha ki jaka paidbah ruh ki nongdih kim ju don shuh ïa ka rain ka rem ban pyni briew ba ki dih drok, la ka long ha ki lynti ki syngkien ne ha ki jaka paidbah ruh kumjuh.
Ka jingjyllei ki nongdih drok, ka la long ha baroh ki jaka jong ka Nongbah Shillong, ba kynthup ha ki jaka ïew Motphran, Khyndailad bad kiwei-kiwei de ki jaka ha Shillong.
Ïa kane ngi lah ban sakhi lyngba kawei ka durkhih kaba la ïoh ban ringdur, ha kaba kawei ka kynthei Khasi, kaba la thiah lyngktar hajrong ki jaka shong ap kali, ha Khyndailad, Shillong.
Katkum ka durkhih ba la ïoh pdiang na ki paidbah, la pynshisha ba katei ka kynthei Khasi kadei kaba la buaid dih drok, ka bym shym la tip briew shuh bad la shu thiah ha katei ka jaka, kaba dei ka jaka ban shong ap kali ki paidbah. Lah ban kdew ba mynshuwa, na ka liang ki sengbhalang, ki la pynlong ïa ka jingtalasi bad khynra nongdih drok ha kylleng ki jaka ha Nongbah Shillong, ha kaba la sakhi ïa ka jingbun kiba dih drok, la ka long ki kynthei, ki samla shynrang bad wat haduh kiba dangrit ka rta ruh.
