Shillong, Jylliew 09
U nongïalam ka National People’s Party (NPP) bad kyrtong ka MDA-II, u James K. Sangma u long uba la khreh ban shah jied kum u MP ka Rajya Sabha khlem da don mano-mano ban ïakhun pyrshah hadien ba u la paw kum u kyrtong ba marwei uba la thep kyrteng na ka bynta ka ilekshon ban long ha ka 18 tarik Jylliew.
Ka jingpeit bniah ïa ki kot ki sla haba ïadei bad ka jingthep kyrteng na ka bynta ka shuki ba marwei sha ka Rajya Sabha ka la long ha ka Sngi Ba-ar ha Assembly Secretariat.
U Returning Officer bad Secretary ka Assem-bly, u Malthus S. Sang-ma u la shem ba ki kot ki sla jong u James K. Sangma ki long “kiba biang pura bad u la pdiang” ïa ki, ong ki heh ophisar.
U James Sangma, uba la shakri teng kum u Myntri kam pohïing barim ka Jylla, u la thep kyrteng ha ka 8 tarik u Jylliew ban ïakhun ïa katei ka shuki.
Namar ka jingbym don shuh kiwei pat ki kyrtong ha ka jingïakhun, ka tarik ba khatduh jong ka 11 tarik u Jylliew ban weng kyrteng kan long ka sienjam kaba khatduh hashuwa ban pyndep ïa ki kam ba ïadei bad ka ilekshon.
