Shillong, Jylliew 10
U President ba thymmai ka War Jaiñtia Students Union (WJSU) u samla Everest Langstang u la ïathuh ba ka seng kan wad biang ïa ki War Jaiñtia kiba sah ha Bangladesh, Assam, Tripura bad Mizoram ban pynkhlaiñ ïa ki unit kiba la don lypa.
Haba ïakren bad u samla Everest Langstang u la ïathuh hadien ba la pynkhlaiñ biang ïa ka WJSU ka CEC kaba thymmai ka kwah ban pynkhlaiñ ïa ki unit kiba la dep pynkha ha kine ki snem kiba la dep.
U la ïathuh ha man ki shnong kiba don ki War Jaiñtia ki ju leit pynkha unit kum ha Bangladesh, Byrnihat, Assam, Tripura bad Mizoram.
Shuh shuh u la ïathuh ba ki bun ki War Jaiñtia kiba sah kylleng ki Jylla North East namar ki leit rep bad lyngba kane ka seng yn pynïatylli ïa ki samla jong ka War Jaiñtia.
U la pyntip ba ka WJSU ka dei kaba la seng da u president ba nyngkong Bah AK Gashna bad ma u pat u dei u President uba lai uba dang shah jied bad ban sa bam smai ha kine ki sngi ba wan.
U la pynkynmaw ba ka WJSU ka la sangeh treikam shipor ha u snem 2012 haduh 2022 hynrei namar ba duna ki nongïalam ban ïalam, mynta kane ka seng ka la khie im biang da ka jingmih bujli ki samla.
La jied ruh ïa ki nongkitkam kata Senior Vice President la aiti sha u Samla Autumn Sumer, Vice President ïa u Samla Banthom Sumer, General Secretary Samla Stalwos Pohkyrni, Finance Secretary samla Ovenas Lyngngiar, Organising Secretary samla Deilang Syad, Education Secretary samla Heartcasing Dkhar, Publicity Secretary samla Gabriel Shylla, Sports & Youth Secretary samla Bannangsan Dkhar, Environment Secretary samla Finely Swer, Disciplinary Secretary samla Syndai Swer, Office Secretary samla Nemison Rymbai.
