Shillong, Jylliew 11
Ka Khasi Students’ Union (KSU) bad ka Federation of Khasi Jaiñtia and Garo People (FKJGP) na West Jaiñtia Hills ki la leit ban ïakynduh ïa u Licensing Officer ka Jaiñtia Hills Autonomous District Council ban pyrshah ïa ka jingai syrnod trading license ka council ïa ki briew kiba pan na ka bynta ki trok kiba kit mar bad khaïi sha ki thaiñ War Jaiñtia.
Kane ka dei hadien ba ka seng ha ka jingleit khynra ka la lap da ki spah tylli ki trok kit mar jong ki bar jylla.
U Bah Nangkhraw Rani, General Secretary FKJGP West Jaiñtia Hills u la ong ba ka seng ka maham jur ba lada ka JHADC kan dang ai biang ïa ki trading license sha ki bar jylla na ka liang jong ki, kin sa shim pat da kawei ka sienjam.
Ki la pynpaw ruh ban nym sangeh ban leit khynra biang bad lada ki lap ïa ki trading license ruh kin beh beit ïa ki bar jylla bad lada ki leh pyrshah kin sa shim hi ka jingbahkhlieh.
