Shillong, Jylliew 12
U Symbud Myntri Rangbah ba khmih ïa ka tnad Transport Bah Sniawbhalang Dhar ha ka sngi Palei, u la pyntip ba ïa ka work order ban pynheh ïa ka Shillong Airport la dep ban aiti sha u kontraktor hynrei ym pat shym la lah ban pynsdang ïa ka jingtrei namar ka jinghap slap.
“Ïa ka kam la dep ban aiti bad ka jingpyntrei kan sa sdang. Kane ka dei kaba long mynta. Ha ka jingshisha kila dei ban sdang ïa ka kam namar la dep ban ai ïa ka work order. Lehse, namar u slap, kumta la pynslem ïa ka jingpyntrei,” ong u Bah Sniawbha.
Haba kren halor ka jingpynslem, u la pynshai ba ïa ka tender la khot tad hadien ba la ïoh lut ïa baroh ki jingai jingbit.
“Ngi la ïoh ïa ki jingbit, ta ka daw ngi la khot tender. Ngi la ïoh ïa ka jingbit ban pyntrei ïa ka projek ha ka jaka ki shipai. Ta ka daw ngi la slem,” u la ong.
