Shillong, Jylliew 12
Ka Khasi Students’ Union (KSU) Laban Circle ha ka 12 tarik u Jylliew 2026, ka la pynkupburom ïa u Samla Sunny Bamon, u Samla ba la pass bha ha ka Eksamin Higher Secondary School Leaving Certificate (HSSLC) Commerce Stream, ba la pynlong da ka MBOSE.
U ne u Samla u dei uba la ïoh rung ha ka thup Top-10 bad ïoh ruh ïa ka kyrdan ba 5.
Ka KSU ka pynpaw ïa ka jingsngewkmen, ha kaba une u Samla, uba shong ba sah ha Laban, u la wanrah nam ym tang ïa ka ïing ka sem, hynrei ïa ka shnong ka thaw bad ruh ïa ka jaidbynriew hi baroh kawei.
Ka Seng ka la ai ka jingkitbok ïa une u Samla, ba un nang kiew irat ha baroh ki liang bad long ka iktiar ka jaidbynriew.
Ha kane ka sngi pynkupburom, la ïadon ryngkat u General Secretary ka Laban Circle, u Samla Shining Star Chyne, Education Secretary, Samla Kevin Nelson Wanrap, Samla Sandy Sohtun, Assistant General Secretary.
Haba kren ha kane ka sngi, ki nongïalam ki la pynsngew ba ka jingtrei shitom jong u ne u samla, ka la wanrah nam ym tang ïa ka ïing ka sem, ka kur ka jait, ka dong ka thaiñ hynrei ïa ka jaidbynriew hi baroh ka wei
Ha kane ka sngi, ka KSU ka la leit ban ithuh ïa ka jingtrei shitom jong une u Samla ba u la minot thop ban poi sha ka thong bad une u Samla ruh u long ka jingshai u ban prat lynti bad ka nuksa ïa kiwei ki Samla ba kin nang trei shitom, ba ki ruh ha kawei ka sngi, kin lah ban wanrah ïa ka nam jop bad ban poi sha kliar.
Ka KSU ka pynpaw ruh ba ki dang duna ki ba mih ïa ki IAS, IPS bad kumta ter-ter bad ka pynshlur ïa ki Samla ba kin shong bad puson ba kin lah ban poi sha ka thong, ba ngin ïoh pat ïa kita ki ophisar IAS, IPS bad kumta ter ter, ban lah ban pynïaid hi dalade ïalade ïa ka ri bad ka Jylla jong ngi.
