Shillong, Jylliew 12
Ka jingïatan tyllai hapdeng ki shipai Border Security Force (BSF) jong ka India bad Border Guard Bangladesh (BGB) ha khappud South West Garo Hills, Meghalaya, ka la kut noh hadien ba ka Bangladesh ka la pdiang biang ïa uwei u nongshong shnong jong ka, uba la tip kyrteng kum u Sati Rajbanshi, 55 snem ka rta.
Katkum ki khubor na ka BSF, la kynnoh ba ki bor shipai Bangladesh ki la pyrshang ban pynrung ïa une u briew sha Jylla Meghalaya, hynrei ki shipai BSF ki la khanglad bad kim shym la shah ïa u ban rung sha India.
La ong ba u Sati Rajbanshi, uba dei na Rajshahi District, Bangladesh, u la sah ha ka jaka ba khlem don trai hapdeng ar tylli ki ri la palat 24 kynta haduh ba ki bahaïing hasem jong u, ki la wanrah ïa ki kot ki sla ban pynshisha ïa ka jinglong nongshong shnong jong u.
Hadien kane, ka BGB ka la shimti biang ïa u bad ka jingïatan tyllai ha khappud ka la kut noh.
Na ka liang ka BSF ka la ong, ba u tei u briew um shym la rung satia sha Jylla Meghalaya bad ka jinglong jingman ha khappud mynta ka la wanphai biang sha ka jingjai jai.
