Ampati, Jylliew 14
Kawei ka jingjia pynjulor jong ki Hati la ïathuh ba ka la jia ha ka shnong Joyfar kaba hap hapoh Betasing C&RD Block, South West Garo Hills ha ka por kumba 11:00 baje jong ka miet 13 tarik mynta u bnai.
Katkum ki khubor, la ïathuh ba uwei u Hati khlaw u la pynjulor ïa kawei ka kamra shet-ja, ki tiar ïing, bad kawei ka kamra buh mar kaba dei jong ka Ketaki Hajong. Ka longïing kaba shah ktah ka kynthup ïa 6 ngut ki dkhot, kynthup ïa 2 ngut ki rangbah bad 4 ngut ki khynnah rit.
Donbok ba ym shym la don kano-kano ka jingmynsaw ha katei ka jingjia, bad baroh ki bahaïing ki don hapdeng ka jingshngaiñ.
Ki bor ba dei khmih ki la pyntip ba ym donkam jingïarap ba kyrkieh ïa mynta. Hynrei, ki tnad ba dei peit ki dang khmih bniah ïa kane ka kam bad kin sa bishar bniah ïa ka jingjulor khnang ban ïoh leh ïa kaba donkam.
