Nongpoh, Jylliew 17
Ka Wah Umtrew kaba ïaid lyngba ka thaiñ Lailad, Ri Bhoi District kala shlei kynsan ha ka step sngi Balang hadien ka jingther jong u ‘lapbah ha kine ki khyndiat sngi ba la dep kat ha-duh ba ka jingkieng siej kaba ki paidbah nongshong shnong ki ju pyndonkam ban jam na shilliang na sha shilliang kala shah rong noh.
Katei ka jingkieng siej kaba la shah rong ha ka umsaw ha ka sngi Balang, ka la jia ha ka por kumba 8 baje eiei bad ka dei ka jingkieng kaba ki paidbah nongshong shnong ka thaiñ ki ju pyndonkam ban leit sha ki lyngkha rep ki jongki bad kane ka jingjia, kala buh ïa ki hapdeng ka jingeh kaba khraw.
Katkum ka tyllong khubor, la ïathuh ba ki paidbah ki ju mad jingeh manla u snem ha kine ki aiom slap na ka jingshah rong katei ka jingkieng siej ha ka umsaw bad hap ban shna thymmai biang na ka por sha ka por tang ban ïoh jam na shiliang sha shiliang ka wah ban leit sha ki lyngkha rep ki jong ki.
