Shillong, Jylliew 18
U Bah Process T Sawkmie, MLA barim, u ong kum ka kur Sawkmie kaba ïateh jait bad ka kur Lyngdoh Nonglait, u pynpaw ka jingsngewnguh ïa ka National People’s Party (NPP) kaba la ai tiket MP ïa u kur Dr. DRL Nonglait.
“Kane ka dei ka por ban kitbok kitrwiang khnang ba un poi sha ka thong ban ïoh khur ïa ka jingjop ha kane ka jingïakhun jong u,” ong u Bah Process.
U bynrap, “Nga ai khublei kyrpang ïa u Conrad Sangma, President ka NPP, ïa u Bah Prestone Tynsong, State President, Bah Sniawbhalang Dhar, Vice President bad ïa ka seng baroh kawei. Ngi ngeit skhem da ka jingtrei shitom ka jingjop kan wan sha ka seng. Ngi don ka jingkyrmen ba ki paid Khasi Jaiñtia ki dei kiba stad kiba shemphang kin bishar bha ïano kin pynjop ban ïa said hapoh parliament khlem da klet ruh ïa ki duk ki suk.”
U ong ruh, “Ka NPP ka long kaba donbok ban ïoh ïa u kyrtong (candidate) kum u Tymmen basan, u shakri ba kordor jong U Blei. Mynshwa u Ma Hoping Stone Lyngdoh Nonglait ruh u long u Tymmen basan, ha kaba u long ruh u MP ba mihkhmat ïa ka Shillong seat, lada ka long ka mon U Blei, mynta ka kynti u Dr. Nonglait un ïoh ïa ka jingjop kumba jop u Ma Hoping.”
