Shillong, Jylliew 19
Ka kynhun jong ki nongtrei Muster Roll kiba hap hapoh ka nongbah Shillong ka khot ïa baroh ki Muster Roll ba kin wan ha ka jingïalang ka ban long ha ka 22 tarik u Jylliew ha ka por 12 baje ha Khasi National Dorbar na ka bynta ban pynkha ïa ka Unit ba thymmai bad ban jied ïa ki nongïalam jong ka.
Haba kren sha ki nongthoh khubor ha ka Sngi Thohdieng u Bah Nazorius K. Lanong, u la ong ba ka kynhun jong ki Muster Roll kiba don ha nongbah Shillong ki la don ka jingthmu ba kin thaw noh ïa ka Unit thymmai jong ki nongtrei Muster Roll jong baroh ki tnad Sorkar.
U la ong ba baroh shi katta ki nongtrei Muster Roll ha Shillong ki shu ïa shimbynta ha ban ïatreilang bad ka All Meghalaya Muster Roll Progressive Workers Union (AMMPWU), hynrei ka khlem pat don ka unit ba pule, kumta ka la pyrkhat ban pynkha thymmai noh ïa ka unit ha katei ka sngi bad u la kyntu bad wer ïa baroh kiba trei Muster Roll ba kin pyllait por ban wan shimbynta ha katei ka sngi.
