Shillong, Jylliew 21
Katkum ba la ïoh jingtip ba don ka jingkhyllem khyndew kaba jur ha ka surok Shillong-Dawki ha ka thaiñ Chainage 25+200, kaba la pynlong ïa ka surok ban khang khyrdep syndon ha khmat ka shnong Laitlyngkot.
Katkum ka jingpyntip na ka NHIDCL ba ka kam maramot ban pynbiang ïa ka surok kan shim por khyndiat sngi ban pyndep.
U Abhilash Baranwal, IAS, Deputy Commissioner East Khasi Hills District Shillong u la pynbna ba na ka bynta ka jingshngaiñ ki paidbah bad ban khanglad ïa kino-kino ki jingjia ba sniew, ka surok Shillong-Dawki, kan khang khyrdep ïa ki paidbah bad ki kali ban ïaid naduh ka Shnong Laitlyngkot ter-ter naduh kane ka kynti bad haduh da don da kawei pat ka jingpynbna da ka Bor Synshar Distrik (District Administration).
La bthah ïa ki briew kynthup ïa ki nongjngohkai pyrthei (tourists), ban ym ïaid lyngba ka surok Shillong-Dawki. Ki lah ban shim ïa kine ki ar tylli ki lynti ba ïasyriem, kata Shillong-Sohra-Sohbar-Dawki, Shillong-Jowai-Amlarem-Dawki
Shuh la bthah ruh ïa baroh ki nongleit ban kiar na ka jingleit lyngba ka surok Shillong-Dawki palat ïa ka Shnong Laitlyngkot ha ka por ba khang ïa ka surok.
Bud ïa ki lynti pynphai kali bad ki jingbthah ba la pynmih da ki pulit, ki nongpynïaid kali (Traffic), bad ki nongtrei ka NHIDCL. Pynkhreh lypa ïa ka jingleit bad pyllait por kham bun ban ïaid.
La kyntu ïa ki paidbah ban ai ka jingïatrei lang bad ki bor synshar ban pynshngaiñ bad ban pynïaid ryntih ïa ka ïaid ka ïeng ki kali bad ka shngaiñ ki paidbah. Pyntip mardor sha ki nongtrei da kaba phone ha u number 112, lada don kano kano ka kam kyrkieh.
Bud ïa ki jingmaham shaphang ka suinbneng ba la pynmih da ka Indian Meteorological Department (IMD).
