Shillong, Jylliew 22
Ki nongdie madan ba la shah pynkynriah na lynti ïaid kjat ha Khyndailad shapoh MUDA, ki la pynpaw ka jingbitar ïa ka Sorkar Jylla namar ka la pynkynriah ïa ki na katei ka jaka, katba hynnin ka sngi Saitjain ka 20 tarik Jylliew pat, la pynlong ïa ka tamasa ïaput ïatem ha katei ka jaka ryngkat ka jingdon ka jingdie ïa ki ar shaka.
Haba pynpaw ïa kane ki longkmie kiba die ïa ki mar ba pyut la shu bret man ka sngi, namar ym lah die hadien ba pynkynriah ïa ki shapoh MUDA, katba mynta ka Sorkar ka wan die jingdie ïalade bad wan leh sngewbha ban ïatem ïaput.
“Kane ka Sorkar kadei kaba bishni bad khniot beiñ ïa kiba duk,” ki la kynnoh.
Ki la ong ba ka Sorkar kadei ban wan jngoh ïa kiba die ïa ki mar ba pyut hapoh MUDA, ban kylli ïa ki, la ki lah die ne-em.
Ki la byrngem ruh ba lada ka Sorkar ka leh shi leh kumne, ban wallam ïa ki nongput nongtem bad beh ïa ki man ka por na MTC, kiba shong ha MUDA kin mih hi ban ïa shad ïa rwai.
Shuh shuh ki la ïathuh ba bun ki mar dei kiba bret ha ki ‘dustbin’ ym ba ki lah ban die. Ka jingwan ‘advertise’ ka Kompeni Yamaha ka Sorkar kam wit hynrei ïa kiba die madan pat ki wit.
