Shillong, Jylliew 24
Ka jingjur jong ki kam tuh kam thiem ka dang ïai bteng na kawei ka sngi sha kawei pat bad ïa kane lah ban sakhi na ki jingjia shah tuh jong ki arshaka bad kiwei ki tiar na kylleng ki bynta jong ka nongbah Shillong bad kumjuh ruh na kiwei pat ki bynta jong ka Jylla.
Katkum ka khubor na ki pulit la ong ba u Pallav Hajong u la ai ka jingujor ba ha ka 22 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-AA-4880 na ka thaiñ Police Bazar, Shillong.
Na ka liang jong u Nehemaia Pasleiñ ruh u la ai ka jingujor ba ha ka 22 tarik mynta u bnai ha ka por kumba 2.30 mynsngi, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-P-5622 na ka jaka sah ka jong u ha Nongrah Nongpdeng, Shillong.
Kumjuh ruh na ka liang jong u Riborlang Kharumnuid u la ai ka jingujor ba ha ka 22 tarik mynta u bnai ha ka por kumba 5.30 janmiet, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-Y-0226 na ka shnong Ummir Mawsharoh ha East Khasi Hills.
Ha kawei pat ka khubor, u Gabriel Richard Massar u la ai ka jingujor ba ha ka step jong ka 23 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-AG-1394 na ka thaiñ Lumkshaid, Lower Mawprem, Shillong.
Ha kawei pat ka khubor, u Rangbah Shnong jong ka Lumiablot, Nongthymmai, Shillong u la ai ka jingujor ba ha ka 23 tarik mynta u bnai hapdeng ka 3 baje mynstep haduh 5 baje mynstep, ki runar bym lah ban ithuh, ki la tuh ïa u waiar cable ka kor CCTV ba jrong haduh 125 meter, ba la pyndait ha ka shnong Lumiablot Nongthymmai, Shillong.
Ha kawei pat ka khubor, uwei u nongshong shnong jong kawei na ki dong ha West Garo Hills u la ai ka jingujor ba ha ka 5 tarik mynta u bnai, u pyrsa kurim jong u, u la tuh ïa ka pisa kaba long T.5 lak na ka ïing sah ka jong u.
Katba na ka liang jong u Bankerlang Lyngdoh u la ai ka jingujor ba ha ka 21 tarik mynta u bnai, u la lap ba ki runar bym lah ban ithuh, ki la tuh ïa kiba bun ki tiar ba kynthup ïa kawei ka battery, solar panel, lightning arrester, copper wires bad kiwei-kiwei kiba shongdor kumba shi lak tyngka eiei na Chibinang ARR Hydromet Station ha West Garo Hills.
Na ka liang jong u Vice Chairman jong ka Janapriya Higher Secondary School, Bholarbhita ha West Garo Hills u la ai ka jingujor ba ha ka 21 tarik mynta u bnai, ki runar bym lah ban ithuh, ki la tuh 20 tylli ki solar bateri na ka skul.
Ha kawei pat ka khubor, u Azizur Islam u la ujor ba ha ka 19 tarik mynta u bnai, ba ki runar bym lah ban ithuh, ki la tuh ïa ka arshaka ka jong u, kaba don ïa u registration number ML06-M-2268 na Magurmari Ferry Ghat ha West Garo Hills.
