Nongstoiñ, Jylliew 25
Ha ka step jong ka 25 tarik mynta u bnai ki paidbah nongshong shnong jong ka shnong Riangsieh ha West Khasi Hills ki la mih ban khang noh shipor ïa ka Weighbridge kaba don ha ka surok Riangdo-Athiabari ha kaba la kam ba ka don hapoh ka shnong Riangsieh.
Ki nongïalam shnong ka shnong Riangsieh, ki la pynpaw ba ka jingmih paidbah jong ki nongshong shnong ban khang ïa ka Weighbridge ka dei hadien ba ki ïohi ba ha kane ka Weighbridge ïa ka signboard la thoh ‘Porlakait’ hynrei ha ka jingshisha ka dei ban don ka kyrteng Riangsieh hynrei ka mih kane ka Porlakait.
Shuh shuh ki la ong ruh ba kawei pat ka daw ba ki ïa mih paidbah ka long hadien ba ka shnong ka la leit weng ïa ka ‘signboard’ kaba thoh Porlakait, na ka liang u OC (officer in-charge) jong ka thanad Riangdo ha ka 24 tarik mynta bnai u la khot ïa ki Nongïalam shnong bad hadien ba la leit mih u la pynpaw ba ka don ka ejahar pyrshah ïa ka Dorbar Shnong.
Halor kane ka bynta, ki nongïalam shnong ki la ïathuh ba na ka liang ka jong ki, ki la lum kyrkieh ïa ka Dorbar na ka bynta kane kam bad ka dorbar baroh kawei da kawei ka sur ka la shim rai ban khang shwa tad ynda la pynkylla na ka Porlakait sha ka kyrteng shnong Riangsieh.Jowai, Jylliew 25
U Deputy Commissioner ka West Jaiñtia Hills District u la pynbna sngi shuti haka 8 tarik Naitung ha baroh ka West Jaiñtia Hills District namar ka lehniam Behdienkhlam ha Jowai.
