Shillong, Jylliew 26
Ka thaiñ Pynursla, mynta kadei ka thaiñ ba sohsat bad shem jingeh naduh ka jinglong jingman ka surok, ka jingkhang kloi ki ATM, kata hapoh 7:30 haduh 8 baje janmiet, watla ki ATM kidei ban plie 24 kynta.
Kawei pat ka jingeh sha ki paidbah ka long ba sa ki petrol pump ki bym don umphniang ne petrol, la kumba 4 bad 5 sngi lynter mynta ka la ïaid.
Kane ka jingbym don umphñiang ki petrol pump ha ka thaiñ Pynursla, ka la pynshem jingeh bha shikatdei ïa ki paidbah, khamtam kiba pang ba shitom, kiba thmu ban leit shim dawai ne check up, kumjuh ruh kiba thmu ban leit jingleit ne kiba donkam ban leit ban wan ha la ki kam ki jam jong ki.
Katkum ki khubor ba la ïoh lum na ki paidbah, kane ka jingbym lah bha ki petrol pump ban shakri ïa ki paidbah, ka la ktah jur haduh katta-katta.
La ong ba ka petrol pump kaba la kham rim duh lei-lei kaba don ha Pynursla, ka long kaba la bha ban pynbiang umphniang na ka por sha ka por, hynrei kam lah ban ai jingshakri kumba la khmih lynti ki nongpyndonkam bad ki leh mon bha.
