Shillong, Jylliew 28
U Bah P.T Sawkmie, MLA barim u la ong ba ka kyrteng u kyrtong ka National People Party (NPP) u DRL Nonglait ka rhem bad ïakren bha ha Mawlai Constituency baroh kawei, ka daw hi ka dei ka jinglong ba shimet jong u, uba long u riew rangbah u ba sngewrit bad uba la ih bha ha ka pyrkhat pyrdain.
“Nga kynmaw ha ka ilekshon MP 2024 ha Mawlai Constituency ka kyrteng kiwei ki kyrtong kim mih bad ki paidbah kim ïakren shuh, tang sha ka Voice of People Party beit ki ïakren, hynrei mynta pat baroh baroh ki ïakren shaphang u Dr. Nonglait ba u biang palat,” ong u Bah Sawkmie.
Ïa kaba u la bynrap, “Kumban shu pynkynmaw ki paidbah Mawlai ki dei kiba stad ban jied nongmihkhmat, shwa ban jied ki da bishar bad pynshong nongrim bha, haba sngap ïa ka jingïakren ki paidbah ha Mawlai ne wat ha Khasi Jaiñtia baroh kawei ki paidbah ki ong ba dang lah hi u Dr, Nonglait ka NPP ha kane ka kynti kaba mynta.”
