Shillong, Jylliew 28
Ka JUD Cement Ltd ka la pyntip sha ka Meghalaya High Court ba ka long kaba kloi ban siew T.1 klur hapoh ar taïew ïa ka bai bording ba sahteng, kaba kot sha ka T.7.20 klur.
Halor kane, ka kompeni ka la pynpaw ruh ïa ki jingiakynduh jingeh jong ka ha ka liang ka pisa-tyngka.
Ïa kane la pyntip ha ka 26 tarik Jylliew hakhmat u Justice H.S. Thangkhiew, ha ka por ba bishar ïa ka WP(C) No. 277 of 2026, ba la mudui da ka JUD Cement Ltd pyrshah ïa ka Meghalaya Power Distribution Corporation Ltd. bad kiwei kiwei.
U nongsaid aiñ ba rangbah, u K. Paul ba mihkhmat ïa ka nongmudui, u la pyntip sha ka Ïingbishar halor ka jingtyrwa jong ka kompeni ban siew T.1,00,00,000 na ka pisa ba pynsah kaba long T.7,20,00,000 klur.
U nongsaid aiñ jong ki liang mamla u la pan por ban ïoh ïa ki jingbthah halor kane ka jingtyrwa bad kyrpad ban bishar biang ïa kane ka kam ha ka 29 tarik Jylliew, 2026.
Haba shah ïa kane ka jingkyrpad, u Justice Thangkhiew u la bthah ba ban buh bishar biang ïa kane ka mukotduma ha katei ka sngi.
