Shillong, Jylliew 30
Ki kam thok kam shukor ban pynngop bad thok pisa ka dang ïai bteng bad ïa kane lah ban sakhi na ki jingjia kiba la jia ha kine ki sngi ba la leit ha kylleng ki jaka.
Katkum ka khubor na ki pulit la ong ba uwei na ki nongshong shnong jong kawei na ki dong ha West Garo Hills u la ai ka jingujor ba ha ka step jong ka 23 tarik mynta u bnai, u la ïoh pdiang ïa ka phone call na u number bym ithuh, ha kaba u nong phone u la kam ba u la phone na ka bynta jong u nongïatrei kam lang bad u (business partner) bad ha kaba la bthah ba un phah pisa T.50 hajar na ka bynta ka kam ba kyrkieh ban maramot ïa ka kali jong u. La ong ba une u rangbah ruh u la kohnguh, hynrei kham hadien u la sngewthuh ba u la shah thok.
Ha kawei pat ka khubor, uwei u nongshong shnong jong kawei na ki dong ha North Garo Hills u la ai ka jingujor ba ha ka 1 tarik u Jylliew ha ka por kumba 4 baje janmiet, ki runar bym lah ban ithuh, ki la ‘hacked’ ïa ka mobile phone jong u bad ruh ban sei (transferred) ïa ka pisa kaba long T.93,998/- na ka Bank account jong u, khlem ka jingtip ka jong u.
