Shillong, Naitung 01
Ka Kripa Foundation kaba dei ka jaka ba ri ba sumar ïa ki riewtymmen kumjuh ka jaka sumar ïa ki briew kiba la kynri ha u drok, ha ka 30 tarik u Jylliew 2026 ka la ïoh ban plie sa ïa ka Kripa Victoria Supercare Outreach ka ban ai jingshakri ha ka ban sumar ïa kiba sah hangtei kumjuh ïa kiba pang ba shitom ha katei ka thaiñ.
Ka Kripa Foundation ka dei kaba don ha Umroi Ri-Bhoi District, kane ka jingplie ïa kane ka Outreach ka long ba ka Foundation ka thmu ban nang pynïar ïa ka jingai jingshakri jong ka sha kiba pang ba shitom.
Ha kane ka sngi ba la plie ïa ka Kripa Victoria Supercare Outreach la ïadonlang u Chief Secretary barim ka Sorkar Jylla u Bah DP Wahlang, IAS u Additional Deputy Commisioner ka Ri-Bhoi District u Akash R. Marak, ka Kong B. Jana kaba long ka District Social Welfare Officer, Nongpoh, u Fr. Patrick Nongrang, jong ka Don Bosco SunnySide bad u Pierre Julian D’ Souza, Kripa Trustee ba na Mumbai.
Katei ka Outreach ba dang shu plie ka don ïa ka Detoxification Services, ka Diagnostics Services, Blood Collection, Rehabilitation Services, OPD/IPD Services, Pharmacy, Dental Clinic bad Emergency Services.
Haba ïoh ban ïakren ïa u Director ka Kripa Foundation Meghalaya u Bah Sherrard Wallang, u la ïathuh ba ka jingplie ïa katei ka Outreach ka long halor ka nongrim ka jingjngai jong ki jaka ai jingsumar kumjuh ka jingkynduh jingeh haba ïadei ka dor bad kiwei-kiwei.
Lah ban kdew hangne ba ka Kripa Foundation ka don 16 ngut ki riewtymmen bad 25 ngut eiei kiba shah sumar na ka jingkyrni ha u drok.
