Shillong, Naitung 01
U Myntri Rangbah ka Jylla u Conrad K Sangma ha ka sngi Balang u la ong ba ka Jylla ka dang wad ïa ka lad ban seng ïa ka ‘fisheries cluster’ bad ban pynroi ïa ki jingtei ha ka Jylla Meghalaya ban ai jingmyntoi ïa palat 1000 ngut ki nongri dohkha.
Haba buh ka jingthoh ha ka rynsan X, u Myntri Rangbah u la ong ba kane ka projek yn buh ha ki unit ba kyrpang ba hap hapoh ka Fisheries and Aquaculture Infrastruc-ture Development Fund (FIDF).
Shuh shuh u Conrad u la ong, “La ïakren ïa ka jinglah ban seng ïa ka fisheries cluster bad ban pynroi ïa ki jingtei ha ka Jylla Meghalaya ban ai jingmyntoi ïa palat 1,000 ngut ki nongri dohkha lyngba ki unit ba kyrpang hapoh ka Fisheries and Aquaculture Infra-structure Development Fund (FIDF).”
Ïa kane ka jingthmu yn pyntreikam ha ka jingïatreilang bad ki tnad bapher-bapher ban ai jingkyrshan kaba pura ïa kane ka bynta.
“Ïa kane ka projek yn pyntreikam ha ka jingïatreilang bad ka National Fisheries Development Board (NFDB), ka NABARD, bad ka Uday Aqua, ki ban ai ka jingkyrshan ha ka liang ka technical, ka jingïadei bad ki ïew ki hat, bad ka jingpynkhlaiñ ïa ka bor ban pynkhlaiñ ïa ka kam ri dohkha bad ban kyntiew ïa ka kamai kajih jong ki nongri dohkha,” u la bynrap.
