Shillong, Naitung 02
Ka ïingbishar Meghalaya High Court ha ka sngi Balang kala bthah ban aiti ïa ka kaiphod ba thymmai ïa kaei kaba jia ba man halor ki mukotduma ba don bynta ki MP bad MLA, hadien ba pyntip ba kawei ka mukotduma ha East Khasi Hills la ap ban phah sha ka ïingbishar District Council bad kawei ha North Garo Hills, ka dang ap ïa ka jingïasaid ba khatduh.
U Justice HS Thangkhiew u la pynpaw ïa kane ka hukum ha ka Re-Designated Courts for MPs/MLAs, WP(Crl.) No. 9 of 2023.
Ka ïingbishar kala shong bishar ïa ka suo motu case ba ïadei bad ki ïingbishar kiba bishar ïa ki mukotduma ki MP bad MLA.
U Nongïasaid aiñ ka Sorkar R Colney u la aiti ïa ka kaiphod na ka bynta ki nongmudui ka Jylla ba ïadei bad ka jingïaid jong ki mukotduma.
Ka ïingbishar kala pdiang ïa kane ka record bad buh ha ka record haba buh ruh ban tian bishar biang ïa kane ka mukotduma ha ka 3 tarik Nailar 2026, na ka bynta ka kaiphod ba thymmai.
