Shillong, Naitung 05
Ki kam tuh kam thiem ki dang ïai bteng na kawei ka sngi sha kawei pat bad ïa kane lah ban sakhi na ki jingjia shah tuh ki arshaka, shah prong tuh ki ïing bad ki kali ka dang ïai jia ha kylleng ka nongbah Shillong bad wat sha kiwei ki bynta jong ka Jylla ruh kumjuh.
Katkum ka khubor kaba la ïoh na ki pulit la ong ba u Omechel Khardewsaw u la ai ka jingujor ha ka 1 tarik mynta u bnai ba ki runar bym lah ban ithuh ki la tuh ïa ki steel bar scraps, CGI pipe(s), window bar, cistern cast iron, copper & aluminum wires, angle grinder bad kiwei ki tiar kiba shongdor kumba T.35,000/- na ka jaka trei jong ka tnad Soil & Water Conservation kaba don ha Wahdienglieng (East Khasi Hills).
Ha kawei pat ka khubor u Nanglamlin Rynjah u la ai ka jingujor ha ka 1 tarik mynta u bnai ba ki runar bym lah ban ithuh, ki la tuh haduh san tylli ki bateri kiba la pyndait hapoh ka SBI ATM Kiosk, Madanrting, Block-F, Shillong.
Ha kawei pat ka khubor, ki pulit ki la ïoh pdiang ka jingpyntip ba ha ka janmiet jong ka 1 tarik mynta u bnai, ki runar bym lah ban ithuh ki la pynpait ïa ka ïit jogn kawei ka kali kaba pynïeng ha Dhankheti, Shillong bad ban tuh ïa ka ‘hard drive’.
Na ka liang jong ki pulit ki la ïoh pdiang ka jingpyntip ba ha ka janmiet jong ka 1 tarik mynta u bnai, ki runar bym lah ban ithuh ki la pynpait ïa ka ïit jong kawei ka kali, kaba la pynïeng hajan jong ka Seven-Day Adventist Church, Shillong bad ban tuh ïa kawei ka laptop.
Ha ka 2 tarik mynta u bnai, ha ka por kumba 4.20 mynstep, u Wellibroad Majai ryngkat bad u paralok jong u, ki la leit ban ai jingujor ha Bholaganj PCP (EKH) ba ki runar bym lah ban ithuh, ki la tuh ïa ki arshaka ki jong ki, kiba don ïa u registration number ML05-AB-8763 bad ML05-E-7898, na ka jaka sah ka jong ki, ha ka shnong Umdud, Bholaganj (EKH).
U Iakitlang Kharbuli bad Teiboklang Pyngrope, ki la leit ban ai lang ka jingujor ba ki runar ki bym lah ban ithuh, ki la tuh ïa ki ar tylli ki arshaka na ki jaka sah ki jong ki ha Diengpasoh bad Mawpdang Dongmawlieh (EKH).
