Mawkyrwat, Naitung 06
Ka Kong Joit Kharlyngdoh, 76 snem na ka shnong Jakrem ha South West Khasi Hills District ka la jah na la ïing naduh ka janmiet jong ka 4 tarik Naitung, 2026 ha ka por kumba 6 baje eiei.
Na ka liang ka Dorbar Shnong Jakrem lyngba u Bah Pascal Wahlang, Myntri Shnong u la ïathuh ba ka Kong Joit Kharlyngdoh ha ka por ba ka jah, ka tapmoh da ka jaiñ kyrshah bad ka phong ïa ki juti shiliang ka kjat da kawei ka rong bad kawei pat da kawei pat ka rong.
Kumta, ka Dorbar Shnong Jakrem ka kyrpad ïa baroh ki paidbah ba lada don kiba ïohi ne lap ïa kane ka longkmie, ba kin pyntip kloi katba lah sha ki Rangbah Shnong Jakrem ne phone ha kine ki nombor harum: 8787741202, 8837072958, 9366050946.
Ha kaba ïadei bad ka jingjah ka Kong Joit Kharlyngdoh, na ka liang ki paidbah shnong ki la ïamih ryntih bad wad shnong ïa ka hynrei haduh ba thoh ïa kane ka khubor ym shym pat lap dien satia ïa ka.
