Shillong, Naitung 06
Ka Central Bureau of Investigation (CBI) kala kem ïa u Project Director ka National Highway Authority of India (NHAI), Shillong ha ryngkat bad arngut ki riew paidbah haba ïadei bad ka jingkynnoh dawa pisa ba T.12 lak haba ïadei bad ka jingsiew pynkhuid ïa ka bill ba sahteng u kontraktor ba kot T.13.38 klur.
Katkum ka jingong ka CBI, ïa kane ka case la register ha ka 1 tarik Naitung hadien ka jingïoh pdiang ïa ka jingujor ba kynnoh ba une u ophisar ka NHAI u la dawa ïa ka pisa ba T.12 lak ban pynlait noh ïa ka bill ba sahteng.
Ka CBI ka pyntip ba u nongmudui u la shah dawa ban siew nyngkong T.4 lak kum ka jingsiew lypa (advance) lyngba ki nongpynbeit ha Guwahati.
Ka CBI kala pynap shrip bad kala ïoh kem ïa uwei na kine ki riew paidbah ba shah kynnoh donkti ha ka por ba u dang pdiang ïa ka song pisa ba T.4 lak ba dawa.
Hadien kane ka jingkhynra, ka CBI kala kem ïa u Project Director lem bad arngut kiwei pat, bad ka jingleit khynra kala ïaid shakhmat ha ki ïingsah jong ki.
Ka CBI ka la ong ba ka jingtohkit mynta kala ïaid shakhmat.
