Mawkyrwat, Naitung 08
Ka jingjah ka Kong Joit Kharlyngdoh, 76 snem na ka shnong Jakrem, South West Khasi Hills District naduh ka janmiet jong ka 4 tarik mynta u bnai, mynta ka la kynjoh sha ka saw sngi kynthih bad haduh mynta ym shym pat lap dien satia ïa ka.
U Bah Pascal Wahlang, Myntri Shnong Jakrem u la ïathuh ba naduh ka janmiet ba ka Kong Joit Kharlyngdoh ka la jah, ki paidbah shnong ki la ïa mih ryntih bad ïa wad shnong ïa ka ha kylleng ki jaka jong ka shnong.
U la ong ruh ba kum ka shnong, kan dang ïai pyrshang bad thaw ki lad ki lynti khnang ban lap ïa kane ka longkmie. Ha kajuh ka por ka Dorbar Shnong Jakrem ka buh ka jingkyrpad ïa ki bor jong ka aiñ ba kin ai lem ka kti ka mon ka kti ka diang ban ïarap bad wad ïa kane ka longkmie.
Namarkata, sa shisien ka Dorbar Shnong ka buh ka jingkyrpad ïa ki paidbah ba lada don kino-kino kiba ïohi ne lap ïa kane ka longkmie, kin pyntip kloi katba lah sha ki Rangbah jong ka Shnong Jakrem ne phone ha kine ki nombor: 8787741202, 8837072958, 9366050946.
Kum ban shu pynkynmaw, ka Kong Joit Lyngdoh ka la jah noh na la ïing naduh ka janmiet jong ka 4 tarik Naitung, 2026 bad ha ka por ba ka jah, ka tapmoh da ka jaiñ kyrshah ïa ka khlieh bad ka phong ruh ïa ki juti shiliang da kawei ka rong bad kawei pat da kawei ka rong.
