Nongpoh, Naitung 08
Kumba ju long, man ba don ka jingther jong u ‘lapbah, la ju sakhi ba ki bynta jong ka surokbah National Highway 6 ha Jorabat ka ju shlei um bad ïa kane la sakhi biang ha ka janmiet jong ka sngi Balang ruh kala shlei um biang smam hadien ka jingther u lapbah uba la neh kumba katto katne kynta.
Kane ka jingshlei um ha ka surokbah kaba pynïasoh ïa ka nongbah Guwahati bad Shillong bad kiwei de ki jaka, kala wanrah ïa ka jingthut kaba jur ha ka leit ka wan jong ki paidbah. Kawei na ki kali rit kaba la pyrshang ban jam jubor sha shiliang jong ka surok ha ki bynta khrum ka jingkieng Jorabat wat hapdeng ka jingshlei ka um, la ïohi ba kala shah rong syndon ha ka umsaw kaba la jan dap shi rynïeng briew.
