Shillong, Naitung 12
U MLA ka NPP na Mahendraganj, u Sanjay A. Sangma, ha ka Sngi U Blei, u la leit jurip ïa ka shnong Balupara kaba ha South West Garo Hills, ha kaba ka jinghap slap ba jur ka la wanrah ïa ka jingtwa khyndew kaba la pynjulor ïa ki ïing ki sem bad ki jaka rep jong ki nongshong shnong.
Ha katei ka jingleit jurip, u MLA u la ïakynduh ïa ki nongshong shnong kiba shah ktah ha ki jingtwa khyndew, u la shim jingkheiñ halor ki jingduhnong, bad aiti ruh ïa ka jingïarap pisa ba mardor ban ïarap ïa ki longïing kiba la ngat ha katei ka jingjia.
Ym shym la don kano-kano ka jingjia ba sngewsih haduh mynta, hynrei ki heh ophisar ki la kdew ba ki jingthung ki la shah ktah jur, kaba la buh jingma pat ïa ka lad kamai jong kiba bun ki longïing ha katei ka thaiñ.
Haba pynpaw ïa ka jingsngewkhia halor ka jingkhraw jong ka jingjulor, u Sangma u la kyntu ïa ki nongshong shnong ban long kiba husiar namar ka jingbteng jong ka jinghap slap bad kular sha ki ba ïa ki jingeh jong ki yn sa pynpoi sha ki tnad treikam ba dei khmih.
Shuh shuh u la bynrap ba un sa shimkhia ban pynïoh shuh ïa ki lad jingïarap bad jingkyrshan sha kito kiba shah ktah.
