Shillong, Naitung 14
U Myntri ka tnad ka koit ka khiah, u Bah Wailadmiki Shylla ha ka Sngi Ba-ar u la ong ba ka Sorkar Jylla ka dang ap ïa ka kaiphod na NEIGRIHMS haba ïadei bad ka jingjia kynnoh jrong kti hashuwa ban shim ïa kano-kano ka sienjam.
U Bah Wailad u la ong ba na ka liang jong katei ka shlem treikam ka la pynlong ïa ka jingtohkit halor katei ka jingjia.
“Ngi la kylli bad ki la hukum na ka bynta ka jingtohkit. Ngi dang ap ïa ka kaiphod jong ki,” u la ong haba kren sha ki nongthoh khubor.
U Myntri u la ong ruh ba ka Jylla kan sa rai ïa kiwei pat ki sienjam hadien ba la khmih bniah ïa ki jinglap.
“Da kaba pynshong nongrim ha ka kaiphod jong ki, ngin sa leh ïa kaba donkam. Ngi donkam ban ai por ïa ki ban pyndep ïa ka jingtohkit bad ban lap kaei kaba la jia shisha,” la ong u Bah Wailad.
U la bynrap ba ka Sorkar kan sa tuklar lada lap ïa kino-kino ki jingbakla.
