Shillong, Naitung 17
Ka Hynñiewtrep Integrated Territorial Organization (HITO) Shillong City, hapoh ka jingïalam u Samla Banpyntyngen ha ka 17 tarik u Naitung 2026, ka la leit ban khang ïa ki ophis kiba la plie ha ka sngi lyngkhuh sngi ïap ba 191 snem jong u Tirot Sing Syiemlieh.
Ka HITO ka pynpaw ïa ka jingmaham kaba jur, ba baroh ki ophis, ki jaka trei bad ki shnong treikam, kiba don ha ka bri u hynñiewtrep kidei ban burom ïa kane ka sngi, kaba kyrpang da kaba khang ïa ki ophis, katkum ka jingburom ïa u paidbah bad ka jingïaleh laitluid jong u Tirot Sing Syiemlieh.
Ka HITO ka la kyntu ruh ïa baroh ban long kiba ïatreilang ban pynneh pynsah ïa ka burom bad ka nam jong u nongïalam bakhraw jong ka jaidbynriew hynñiewtrep.
Ka Jylla Meghalaya ka ju rakhe ïa kum kane ka sngi, ka 17 tarik u Naitung kum ka sngi burom ïa u Tirot Sing, la ong ka HITO.
