Mairang, Naitung 18
Ka District Election Officer jong ka Eastern West Khasi Hills District ka la pyntip paidbah ba ka bynta ban lum jingkheiñ ïa ki nongthep vote lane ka Special Intensive Revision (SIR) na baroh 142 tylli ki jaka thep vote na ki ar tylli ki ST Assembly Constituency jong ka Eastern West Khasi Hills District tad haduh ka 18 tarik Naitung 2026 ka long haduh 92400 tylli ki Enumeration Form (EF) la dep ban sam sha ki nongthep vote hapoh ka District kaba kot sha ka 98.57 percent na ka jingkheiñ kyllum baroh bad na kine 55144 tylli ki EF la dep ban upload kaba long 58.72 percent.
Shuh shuh la ong ruh ba tang na ka 30-Mairang (ST) Assembly Konstitwensi la dep ban sam ïa ki form haduh 45776 tylli ki EF kata 98.98 percent, na kine 23708 tylli ki EF la dep ban upload kaba long 51.26 percent.
Katba ha ka 31-Mawthanraishan (ST) Assembly Konstitwensi la sam 46624 tylli ki EF bad 98.16 percent, bad na kine 31436 tylli ki EF la dep digitalized kaba long 66.18 percent.
Shuh shuh, la ïathuh ba 21 tylli ki form EF la dep ban submit hi da ki nongthep vote lyngba ka online, kumba 36 ngut na ki nongthep vote ym shym la ïoh jingtip, 341 ngut ki dei kiba la khlad noh, 141 ngut ki dei kiba la rah kyrteng sha kiwei pat ki konstitwensi bad 46 ngut ki dei kiba lah ban don ar kyrteng.
U District Elector Officer u la pyntip ruh ba haduh mynta ym shym la don kano kano ka jingujor ha kaba ïadei bad ka jingpyntreikam ïa ka SIR.
Ha kajuh ka por, la kyrpad ïa baroh ki BLO bad ki nongthep vote ba kin pynthikna 100 percent ka jingpyndep ïa ka jingsam ïa ki Form bad ban submit ïa ki Enumeration Forms ha ka por kaba biang na ka bynta ban pynïaid beit ïa ka SIR.
