Babu Kular Khongjirem
Ka jingïakhih jong ki samla pule (Student’s Movement) hapoh ka jingïalam jong ka Cockroach Janta Party (CJP) ka la nang rhem nang rhem (gains momentum) mynta ha kylleng ka ri India. Ka jingangnud ki samla pule ka long, ym tang ban phah iehnoh kam (resignation) ïa u Myntri ka Thoh ka Pule (Union Education Minister), u Dharmendra Pradhan bad ka jingbakla lut (completely failure) jong ki Exam rung kam (NEET) baroh lai ne saw sien ba ki pynlong (conduct) hynrei khamtam ban wanrah noh ka jingpynkylla thymmai (transform/reform) ïa ka rukom leh bad rukom pynïaid ka Sorkar India ïa ka Thoh ka Pule kaba la rim bad pynsniew dur pynban ïa ka pule puthi (out-dated defective Education System in India) ha ri India baroh kawei.
Ha kane ka Education system jong ka ri India kaba mynta (present Education system) ym tang ba ki ïoh ban leh thok, ki kamai pisa rieh napoh napoh ïa ki rukom pynïaid Exam hynrei ki shim kabu ruh ban ïoh pyn pass bha tang ïa ki bahaïing hasem, ki lok ki jor bad ki briew kiba ïajan bad kito kiba long heh long hain (high levels). Kito ki khynnah pule kiba stad hynrei kiba wan na ki longïing longsem ba duk ba suk (poor family) bad kiba kham duna ha ka ïoh ka kot bad ka kamai kajih (medium income family) ki la duh jingkyrmen bad shah leh beiñ ïa ka hok ïoh kam ïoh jam jong ki. Bun ki longïing ba duk ba rangli bad ba kham duna kamai ki la ngiah bad kdang hi shoin wat ban phah pule ïa ki khun ki kti jong ki namar kam don jingmyntoi shuh wat lada ki pass bha ha ki kyrdan bapher bapher namar kim ïohkam satia bad ym don ba kheiñ briew satia hi ruh ïa ka jingstad ba shisha bad ba dei hok jong ki. Dei kane kein kaba la pynkhih win ïa ka mynsiem jong ki samla pule ba dei ban wanrah noh da ka rukom treikam kaba thymmai ïa ka Thoh ka Pule (to reform/transform the present Education system) khnang ba kan wanrah noh ka jingmyntoi, ka jingkyrmen, bad ka jingleh hok bad jingbishar hok (justice) khlem da leh shiliang khmat ïano ïano ruh. Kiba dei hok ki dei ban ïoh hok kampher la ki dei kiba duk ba riewspah, ki nongsor ne nongkyndong, ki kynthei ne shynrang khlem da peit ba dei kiba ha ïing ha sem ne para nongkyrshan party jong ki. Lada dang eh kane ka rukom, ka thoh ka pule kam don jingmut shuh (meaningless) bad kam don jingmyntoi shuh (useless) ha ki longïing longsem kiba don ki khun ki ksiew kiba tbit bad stad bha ba kin pyndep ïa ki jingpule kiba shajrong (higher qualifications).
Kum kane ka jingïakhih ban pynbha bad pynjanai ïa ka Thoh ka Pule (New revolution to reform/transform the Education system) dei ban ai jingkyrshan lang da baroh ki nong India ym tang ki samla pule hynrei ki Kmie ki kpa bad baroh kiba ha ïing ha sem jong ki samla pule namar ka ktah lang salonsar ïa baroh. Lada jop ha kane ka jingïakhih (public/people movement), dang don jingkyrmen ïa ka pateng (future prospect) jong ka lawei ki khun samla jong ngi. Lada rem (failed) kane ka jingïakhih mynta, la wai noh ka jingkyrmen jong ki khun samla pule jong ngi nangne shakhmat.
Kane ka jingïakhih ban pynkylla thymmai (reform the Education system) ym dei ba ka ktah tang ïa ka ri India, hynrei dei ban pynkylla thymmai ruh hangne ha ka state Meghalaya jong ngi. Ki samla pule kiba pule hangne ha Meghalaya bad khamtam kito kiba la leit pule shabar ka Jylla ki kham sngewthuh bha ïa ka jingshyrkhei bad jingsniew dur kaba la palat ha ka thoh ka pule jong ki ha kane ka state jong ngi. La ki la ïa pass ïa ki kyrdan ba heh ba heh (higher qualifications), ki kyrdan Engineer, Doctor, Phd, MA, MSC, M.Com, etc, ki shu shong ïing bad shong thiah thai ei baroh shi snem-ar-snem khlem kam khlem jam bad lap sa ka dier por ka rta wad kam ba la palat ka rta wad kam (over age) ban apply kam. Shaei kane ka policy kan ïalam ïa ka lawei jong ka ri bad ka jaidbynriew jong ngi. Tang kiba phong ïa ka juti kiba sngewthuh bha ba thar u prek.
