Shillong, Naitung 23
Ka ïingbishar bahakhliehduh ka ri ka Supreme Court ka la pyndam noh ïa ka jamin ba la ai da ka lower Court kaba la pynksan da ka High Court Meghalaya ïa ka Sonam Raghuvanshi kaba kynnoh donkti pynïap ïa u kurim u Raja Raghuvanshi.
Ka Supreme Court kala bthah ïa ka Sonam Raghuvanshi ba kan wan aiti biang ïalade hapoh ar taiew.
Ka ïingbishar u Justice MM Sundresh bad PB Varale ki la pynpaw ba lada ka Sonam ka ïai don shabar ka phatok lyngba ka jingïoh jamin kan sa pynslem ïa ka jingbishar. Kumta ka Supreme Court ka la pyndam ïa ka jamin ba la ai sha ka Sonam bad bthah ïa ka ba kan leit aiti biang ïalade hapoh ar taïew.
Hynrei ka Supreme Court ka la ong ba lada ka jingbishar kam dep hapoh 6 bnai ka Sonam ka lah ban pan jamin biang.
“Ngi la pyrkhat ba ka jingbteng ban buh ïa ka Sonam ha ka jingpyllait jamin ka lah ban pynslem ïa ka jingbishar. Namar kata ngi la rai ban pyndam shwa ïa ka jamin ban ai ïa ka Sonam. Ïa ka nongshah ujor yn ai por ar taïew ba kan wan pyndem. Lada ka jingbishar kam dep hapoh 6 bnai ka nongshah ujor ka lah ban pan jamin biang,” la ong ka ïingbishar.
