Shillong, Naitung 24
Ka ïingbishar POCSO (Special Judge) ka East Jaiñtia Hills kala hukum ban set phatok 22 snem ïa u Jimi Bareh bad daiñ kuna T.50,000 namar ka jingleh be-ijot ïa iwei i khynnah. Ka ïingbishar kala pynngat ïa une u nongleh bymman hapoh ka kyndon 376(2) (f) IPC pule lang bad ka kyndon 5(f)(ii)/5(n)/6 jong ka POCSO Act, 2012.
Ïa kane ka hukum la pynmih ha ka 21 tarik Naitung. Ïa kane ka case la register ha Khliehriat Women Police Station hapoh ka Case No.48(L2)/2020 bad la tohkit ïa ka da ka W.Pt. O. Tyngkan. Ïa ka Charge-sheet la file ha ka 18.01.2021.
