Shillong, Naitung 26
Ka kynhun jong ka National Domestic Workers Movement (NDWM) bad ka All Meghalaya Domestic Workers Union (AMDWU) ha ka 23 tarik Naitung 2026 ki la leit ïa kynduh ïa u Myntri ka tnad Labour Department u Bah Methodius Dkhar ban ai ka jingthoh pynkynmaw sha ka Sorkar haba ïadei ki jingdawa ban pyntreikam noh ïa ka Minimum Wage bad ka Welfare Board na ka bynta ki nongbylla ïing briew.
Ha u kyrwoh khubor la pynpaw ba ha kane ka sngi ki la ïoh ruh ban ïamir jingmut bad u Myntri ha ka jingïadei hapdeng ki trai ba ai bylla bad ki nongbylla ïing briew, ha kaba na ka liang u Myntri u la ïathuh ïa ka kynhun ba ka Sorkar kan sa shimkhia ha kaba ïadei kane ka mat, ka ban long na ka bynta ka jingbit jingbiang jong ki nongbylla ïing briew.
Haba kdew ka NDWM la pynpaw ba ka la aiti jingthoh sha u Myntri mynha ka ka 21 Jylliew 2026 bad kane ka kynti ka la dei ka sien kaba ar ba ka kynhun ka la leit ban aiti jingthoh sha u Myntri haba ïadei kine ki mat jingdawa jong ki nongtrei bylla ïing briew.
