Jowai, Naitung 27
Ka kynhun jong ka State Disaster Response Force (SDRF) kala ïoh ban sei noh ïa ka met jong uwei u nongshong shnong ka Shnongpdeng, ba la ngam jyllop ha ka wah Umngot ha ka sngi U Blei.
Ka kynhun kala sdang ban wad ha ka por 9 shiteng mynstep hadien ba kala ïoh ïa ka jingujor. Ka tnat Directorate of Civil Defence & Home Guards, kala ïathuh ba la pyntip sha ki pulit SDRF halor kane ka jingjia ha ka por mynstep bad mar mar ki la hiar sha katei ka wah ban leit ai jingïarap.
Ïa ka kynhun SDRF la ïarap ruh da ki nongshong shong ha kane ka jingwad ha shi lynter jong ka wah, bad ha kaba la pyndonkam ruh da ka Rescue Inflatable Boat bad tyllai waiar bad dei ha ka por kumba 4 baje tam jong kane ka janmiet ba la lap bad ïoh sei noh ïa ka metïap.
Hadien ba la ïoh sei, ïa ka metïap la aiti noh sha ki pulit ban pyndep ïa ki jingdonkam katkum ka aiñ bad hadien la aiti noh sha ki bahaïing hasem.
